Қўшимча функционаллар
-
Тунги кўриниш
Ерда ноёб астрономик ҳодиса – қуёшнинг гибрид тутилиши кузатилди
Қуёш дунёнинг баъзи жойларида тўлиқ, бошқаларида эса айлана шаклида тутилди.
Фото: Reuters
20 апрель куни Жануби-Шарқий Осиё, Шарқий Ҳиндистон, Австралия ва Антарктидада қуёшнинг гибрид тутилиши кузатилди.
Қуёш дунёнинг баъзи жойларида тўлиқ, бошқаларида эса айлана шаклида тутилди, яъни Ой дискининг атрофидаги ташқи қуёш қирраси кўриниб турди. Шу сабабли бундай тутилиш гибрид деб аталади.
Ноёб астрономик ҳодиса тахминан беш ярим соат давом этди.
Қуёш тутилишини Жануби-Шарқий Осиё, Шарқий Ҳиндистон, Австралия, Филиппин, Ҳинд ва Тинч океани ҳудудида, шунингдек, Антарктидада кузатиш мумкин эди. Ўзбекистонда қуёш тутилишини кўришнинг иложи йўқ эди.
Гибрид тутилишнинг максимал босқичи Тимор ороли яқинида кўринди ва бир дақиқадан кўпроқ давом этди.
Гибрид тутилиш камдан-кам учрайдиган ҳодиса бўлиб, бир асрда бир неча марта содир бўлади.
Сўнгги гибрид тутилиш 2013 йил 3 ноябрда кузатилган эди. Навбатдагиси 2031 йил 14 ноябрда содир бўлади.
Мавзуга оид
16:51 / 16.11.2024
Бундан 50 йил олдин ўзга сайёраликларга биринчи хабар юборилганди. Унда нималар ёзилган?
20:25 / 14.11.2024
Кичик астероид Ер билан тўқнашишдан атиги икки соат олдин аниқланди
23:49 / 23.10.2024
Ер аҳолиси 2025 йилда иккита Қуёш ва иккита Ой тутилишига гувоҳ бўлади
11:12 / 27.08.2024