«Барселона» — 27 карра Ла Лига чемпиони

Ла Лиганинг 34-турида чемпион аниқланди. 

«Барселона» голларга бой Каталония дербисида «Эспаньол» устидан ғалаба қозониб, муддатидан аввал чемпионликни расмийлаштирди. Левандовскининг дубли, Бальде ва Кунденинг голларига мезбонлардан Пуадо ҳамда Хоселу жавоб беришди. 

Хави жамоаси очколарини 85тага етказди ва энди «кўк-анорранглилар» қолган 4та турда ютқазса ҳам, 2-ўриндаги «Реал» (71) ета олмайди. «Эспаньол» 31 очко билан 19-поғонада қолди.

Шу тариқа «Барселона» 27-бор Испанияда тенгсиз клубга айланди. Бу борада фақат «Реал» олдинда — 35.

Ла Лига. 34-тур
Эспаньол — Барселона 2:4
14 май, РДЦЕ
Голлар: Пуадо (73), Хоселу (90+2) — Левандовски (11, 40), Бальде (24), Кунде (53).
Эспаньол – Пачеко, Хиль, Кабрера, Сержи Гомес (Пуадо, 46), Монтес, Оливан (Колиошо, 84), Денис Суарес (Калеро, 46), Дардер, Меламед (Экспосито, 87), Хоселу, Брэйтуэйт (Педроса, 55).
Барселона – тер Стеген, Кунде, Кристенсен (Алонсо, 74), Араухо (Альба, 63), Бальде, Бускетс, де Йонг, Педри (Кессиэ, 89), Гави (Фати, 74), Рафинья (Дембеле, 62), Левандовски.
Огоҳлантиришлар: Кунде (2), Гави (39), Дардер (39), Альба (82).