Гўшт маҳсулотларини сотиш мумкин бўлмаган ҳолатлар эслатилди

Ўзбекистон қонунчилигида гўшт маҳсулотларини сотиш бўйича меъёрлар «Ихтисослаштирилган сўйиш корхоналари фаолиятини тартибга солиш ҳамда истеъмол бозорига гўшт ва гўшт маҳсулотларини етказиб бериш тизимини янада такомиллаштириш чора-тадбирлари тўғрисида»ги Вазирлар Маҳкамаси қарорида белгилаб қўйилган.

Жумладан, гўшт маҳсулотларини сотиш мумкин бўлмаган ҳолатлар қуйидагилар:

• сўйилиши ихтисослаштирилган ва мини сўйиш корхоналарида амалга оширилмаган бўлса;
• гўшт ва гўшт маҳсулотларини ташиш учун белгиланмаган транспорт ёрдамида етказиб берилган бўлса;
• тегишли ветеринария ҳужжатлари бўлмаса;
• ветеринария-санитария экспертизасининг хулосаси (маълумотномаси) бўлмаса;
• оёқлари ва бош қисми жун билан бирга бўлса, шунингдек парранда ва қушларнинг патлари юлинмаган бўлса;
• хона ёки кўча ҳароратида илгакка осилган ёки ерга (очиқ раста устига) очиқ ҳолда қўйилган ҳолатда бўлса;
• ветеринария-санитария жиҳатидан хавфсизлиги кафолатланган гўштларнинг ягона электрон маълумотлар базасига киритилмаган бўлса.