Қўшимча функционаллар
-
Тунги кўриниш
Жавлон Ваҳобов Марказий Осиё халқаро институтига директор этиб тайинланди
2017–2023 йилларда Ўзбекистоннинг АҚШ, Канада ва Бразилиядаги элчиси бўлиб ишлаган Жавлон Ваҳобов Марказий Осиё халқаро институтига директор этиб тайинланди.
Фото: "Жаҳон" АА
Жавлон Ваҳобов АҚШдаги миссиясини 2023 йил март ойида якунлаган эди.
8 ойлик танаффусдан сўнг у Марказий Осиё халқаро институти директори сифатида иш бошлаган. Институт фаолиятининг асосий вазифалари қаторига минтақани барқарор ривожлантириш жараёнларини тадқиқ этиш киради.
Ваҳобов фаолияти давомида кўплаб юқори лавозимларда ишлаган. Хусусан, 2011-2013 йилларда Президент ҳузуридаги Миллий хавфсизлик кенгаши котиби ўринбосари, 2013 йилда Президент ҳузуридаги Стратегик ва минтақалараро тадқиқотлар институти директори сифатида фаолият олиб борган.
Дипломат 2013-2015 йилларда Ўзбекистон ташқи ишлар вазирининг ўринбосари, 2015-2017 йилларда ташқи ишлар вазирининг биринчи ўринбосари лавозимларида ишлаган.
Жавлон Ваҳобов 2017 йилдан бошланган АҚШдаги элчилик фаолияти билан Тошкент–Вашингтон муносабатлари фаоллашишининг янги даврида муҳим миссияни бажарди.
Мавзуга оид
12:40 / 19.12.2024
Жиззах вилоятига янги ҳоким тайинланди
17:52 / 11.12.2024
Тимур Ишметов Марказий Банк раиси этиб тайинланди
15:57 / 10.12.2024
Камбағалликни қисқартириш ва бандлик вазирига янги ўринбосарлар тайинланди
18:28 / 06.12.2024