Қўшимча функционаллар
-
Тунги кўриниш
Эрон Исмоил Ҳания ўлими бўйича тафсилотларни маълум қилди
ҲАМАС етакчиларидан бири қисқа масофага учувчи снаряд ёрдамида ўлдирилгани таъкидланмоқда.
Фото: Anadolu Agency
ҲАМАС сиёсий бюроси раҳбари Исмоил Ҳания оғирлиги тахминан 7 кг бўлган жанговар каллакли қисқа масофага учувчи снаряд ёрдамида ўлдирилган. Бу ҳақда Эроннинг Ислом инқилоби қўриқчилари корпусига (ИИҚК) таяниб Anadolu хабар берди.
«ҲАМАС сиёсий бюроси раҳбари Исмоил Ҳания ўз қароргоҳи ташқарисидан отилган, оғирлиги тахминан 7 кг бўлган қисқа масофага учувчи каллакдан ҳалок бўлди», дейилади хабарда.
Қайд қилинишича, суиқасд Исроил томонидан АҚШ ҳукумати кўмагида режалаштирилган ва амалга оширилган.
ИИҚК Ҳания учун қасос, албатта, керакли вақтда ва керакли жойда амалга оширилишини таъкидламоқда.
Фаластиннинг ҲАМАС ҳаракати Сиёсий бюроси раиси Исмоил Ҳания Эроннинг янги сайланган президенти Масуд Пезешкиённинг инаугурация маросимида иштирок этиш учун Теҳронга борди. ИИҚК 31 июл куни эрталаб Эрон пойтахтидаги Исмоил Ҳания яшаётган қароргоҳига зарба берилгани ҳақида маълумот тарқатди.
Эрон ва ҲАМАС қотилликни уюштирганликда Исроилни айблади. Бироқ Исроил расмийлари воқеага изоҳ беришдан бош тортмоқда.
Ғазодаги геноцид
Мавзуга оид
20:58
Bloomberg: Россияга Эрон қуролларининг чорак қисмини бизнесмен Ҳусайн Шамҳаний етказиб бермоқда
16:05
«Моссад» ходимлари «Ҳизбуллоҳ» пейжерлари ва рацияларини портлатиш амалиёти қандай тайёрланганини айтиб беришди
12:01
Исроил Эронда Ҳамас етакчиси Исмоил Ҳанияни ўлдирганини илк бор тан олди
19:06 / 22.12.2024