Қўшимча функционаллар
-
Тунги кўриниш
Россия: Арманистоннинг КХШТда тўлиқ ҳамкорликка қайтиши учун эшиклар очиқ
«Охир-оқибат, республикага барқарорлигининг кафолати сифатида КХШТ ва Россиядан бошқа муқобил вариантлар йўқ», деб ҳисоблайди Россия ТИВ.
Фото: РИА Новости / Наталья Селиверстова
Арманистоннинг Коллектив хавфсизлик шартномаси ташкилоти (КХШТ)да тўлиқ ҳамкорликка қайтиши учун эшиклар очиқ. Бу ҳақда РИА «Новости»га Россия ТИВ МДҲ мамлакатлари биринчи департаменти директори Микаэл Агасандян маълум қилди.
«Ҳозирги босқичда Арманистоннинг КХШТда тўлиқ ҳамкорликка қайтиши учун эшиклар очиқ. Умид қиламизки, арман ҳамкорлар ўз шубҳаларини енгиб, дўст арман халқининг стратегик манфаатлари йўлида ҳамкорликка содиқликларини яна бир бор намойиш этадилар», — деди Агасандян.
Унинг қайд этишича, Арманистон олдида КХШТ доирасидаги мажбуриятлар ўзгаришсиз қолмоқда.
«Арманистоннинг КХШТнинг умумий ишидаги иштирокига келсак, ҳозир Ереванда бундай ўзаро алоқалардан воз кечиш устунлик қилмоқда. Бу позиция, биз кўриб турганимиздек, Арманистон халқи манфаатларига зид келади ва миллий хавфсизликни сезиларли даражада заифлаштиради. Охир-оқибат, республика барқарорлигининг кафолати сифатида КХШТ ва Россиядан бошқа муқобил вариант йўқ. Ташкилот доирасидаги ўзаро мажбуриятлар ўзгаришсиз қолмоқда», - деди Агасандян.
Мавзуга оид
09:23 / 05.12.2024
Пашинян: Арманистон КХШТ билан муносабатларда ҳал қилувчи нуқтадан ўтди
21:21 / 14.11.2024
Пашинян Арманистоннинг Мустақиллик декларациясини энг катта муаммо ва фожиа деб атади
14:26 / 13.11.2024
БМТ суди: Арманистон ва Озарбойжоннинг даъволари бизнинг юрисдикциямизда
15:50 / 04.11.2024