BND'да DHL самолёти қулашида Россия изи ҳақида ҳеч қандай далил йўқ

Германия Федерал разведка хизмати (BND), унинг раҳбари Бруно Калнинг сўзларига кўра, DHL юк самолётининг Литвада қулаши Россия диверсияси натижаси бўлганлиги ҳақида ишончли маълумотга эга эмас. «Бизда ҳозирча аниқ далиллар йўқ», деди Кал Германиянинг ARD оммавий ахборот каналига берган интервюсида. Суҳбатдан парчалар 27 ноябр, чоршанба куни чоп этилди.

Бироқ, Россияга нисбатан шубҳалар аниқ, деб ҳисоблайди Кал: «Биз дастлабки сигналларни олганимиздан сўнг, шубҳалар пайдо бўлиши керак эди». Немис хавфсизлик идоралари ёзда DHL юк самолётларида ўзидан ўзи ёниб кетадиган посилкалар ҳақида огоҳлантирган, деб таъкидлади BND президенти. Разведка хизматлари гап Россия разведка хизматларининг диверсия уринишлари ҳақида кетаётганини тахмин қилишди.

Калнинг сўзларига кўра, Россия президенти Владимир Путин «бизнинг жамиятимизни йўқ қилмоқчи, шубҳа ва қўрқувни уйғотмоқчи, сиёсатчиларни Украинани қўллаб-қувватлашдан бош тортишга мажбурламоқчи». BND раҳбарининг айтишича, Германия расмийларида муҳим инфратузилма кузатилаётгани ҳақида далиллар бор.

DHL рейси қулаши: Бербок «гибрид ҳодисани» истисно этмаяпти

Германия ташқи ишлар вазири Анналена Бербок Германиянинг DHL логистика концерни юк самолётининг Вилнюсда қулаши ва бир кишининг ўлимига сабаб бўлган вазиятда «гибрид ҳодиса» ҳақида гапириш мумкинлигини истисно қилмади. Германия ташқи ишлар вазирлиги раҳбарининг 25 ноябр куни айтган сўзларини Reuters агентлиги келтирди.

«Биз — литвалик ва испаниялик ҳамкорларимиз билан биргаликда бу бахтсиз ҳодисами ёки [...] бошқа гибрид воқеами, ҳозир қандай нотинч вақтларда яшаётганимизни кўрсатишимиз керак», — дея таъкидлади Бербок.

«Германия ҳукумати Литва расмийлари билан нима бўлганини тушуниш учун жуда яқин ҳамкорлик қилмоқда», дея қўшимча қилди у.