Қўшимча функционаллар
-
Тунги кўриниш
Жиззах вилоятига янги ҳоким тайинланди
У муқаддам Марказий банк раиси ўринбосари, Жиззах вилояти ҳокими биринчи ўринбосари, «Ўзбекэнерго» раиси бўлиб ишлаган, 2019 йилдан буён «Ҳудудий электр тармоқлари» АЖ бошқаруви раиси лавозимида эди.
Фото: Бош вазир матбуот хизмати
Ўзбекистон президентининг тегишли фармони билан Улуғбек Мавлонович Мустафоев Жиззах вилояти ҳокими вазифасини бажарувчи этиб тайинланди.
Улуғбек Мустафоев 1968 йил 14 августда Жиззах вилоятида туғилган. 1991 йилда Тошкент халқ хўжалик институтини тамомлаган («Молия ва кредит» мутахассислиги), шундан буён банк соҳасида фаолият юритган.
«Саноатқурилишбанк»нинг Жиззах вилоят филиалида кичик, кейинчалик катта мутахассис сифатида ишлади. Кейинги йилларда Ўзбекистон Республикаси Марказий банкининг операцион бошқаруви катта иқтисодчиси ва пул муомаласи бўлими бошлиғи лавозимларида ишлаган.
2010 йилдан 2016 йилгача Марказий банк раисининг биринчи ўринбосари сифатида ишлаган, 2016–2017 йилларда Жиззах вилояти ҳокими биринчи ўринбосари бўлган. 2017 йил июнида «Ўзбекэнерго» АЖ бошқаруви раиси лавозимига тайинланган.
2019 йил мартида мазкур ташкилот ислоҳ қилиниб, ўрнида «Иссиқлик электр станциялари» АЖ, «Ўзбекистон миллий электр тармоқлари» АЖ ҳамда «Ҳудудий электр тармоқлари» АЖ ташкил этилади. Улуғбек Мустафоев 2019 йил апрелидан буён айнан «Ҳудудий электр тармоқлари» АЖ бошқаруви раиси лавозимида ишлаб келаётганди.
Жиззах вилоятига 2017 йилдан буён Эргаш Солиев раҳбарлик қилиб келганди. Президент матбуот хизмати хабарига кўра, у «бошқа ишга ўтиши муносабати билан» ишдан кетган.
Мавзуга оид
16:45 / 22.12.2024
Жиззахда тадбиркорнинг биноси учун фойдаланишга рухсатнома олиб бермоқчи бўлган шахс ушланди
12:23 / 19.12.2024
Манба: Жиззах вилояти ҳокими ишдан олинган
17:52 / 11.12.2024
Тимур Ишметов Марказий Банк раиси этиб тайинланди
15:57 / 10.12.2024