Ўрикзор бозори ёнидаги кўприк устида Tracker бетон симёғочга урилди

27 декабр куни соат 01:19 да «102» тизимидан тушган хабарга кўра, шу куни соат 00:40 ларда Учтепа тумани ТҲАЙ кўчаси Ўрикзор бозори ёнидаги кўприк устида ЙТҲ содир бўлган.

Тошкент шаҳар ИИББ Йўл ҳаракати хавфсизлиги бошқармаси хабарига кўра, ҳайдовчи, 1999 й.т., К.Н бошқарувида бўлган Tracker русумли автомобилни катта тезликда бошқариб кетаётиб, рул бошқарувини йўқотган.

Хабарда айтилишича, у йўл қатнов қисмининг иккига ажратиб турувчи бордюрга чиқиб кетиб бетон симёғочга урилиб, ЙТҲ содир этган.

ЙТҲ оқибатида ҳайдовчига биринчи тиббий ёрдам кўрсатилган.