«Barselona» direktori Messi haqidagi gapi uchun ishdan bo‘shatildi

«Barselona» direktori Pere Gratakosni ishdan bo‘shatdi. Bu haqda klub matbuot xizmati xabar tarqatdi.

Garatakosning ishdan bo‘shatilishiga Messi haqida aytgan gaplari sabab bo‘lgan. U Lionel Messini jamoadoshlarisiz u qadar kuchli futbolchi emasligini aytgandi.

Garatakos intervyularining birida «Barselona» faqatgina Messidan iborat emas. U juda muhim futbolchi, ammo g‘alabani butun boshli jamoa qo‘lga kiritdi. Neymar, Suares, Inesta va Pikesiz Messi bu qadar kuchli futbolchi bo‘lmagan bo‘lardi», degandi.

Klub rasmiy sayti mutaxassisning chetlatilishini quyidagicha izohladi: «Garatakos klub manfaatlariga zid bo‘lgan fikrlarini omma oldida aytgani uchun direktorlik lavozimidan chetlatildi».