Dunyodagi eng chiroyli mamlakat nomi ma'lum qilindi

Shotlandiya Rough Guides yo‘llarni ko‘rsatuvchi kitobchalar yaratish bilan shug‘ullanuvchi kompaniya talqiniga ko‘ra, jahonning eng chiroyli 20 davlati reytingida yetakchilikni qo‘lga kiritdi. Bu haqda kompaniya saytida xabar berildi.

Reyting Rough Guides o‘quvchilarini so‘rovdan o‘tkazish asosida tuzilgan.

"Hech kim rad etmasa kerakki, bu yovvoyi sohilbo‘yilar, chuqur ko‘llar va qoyali qal'alar – dunyodagi eng ajoyib va chiroyli diqqatga sazovor joylardir", - deya ta'kidlanadi xabarda.

Rough Guides o‘quvchilari fikricha, jahonning eng chiroyli beshta davlati ro‘yxatidan Kanada, Yangi Zelandiya, Italiya va JAR o‘rin egallagan.

Shuningdek, Rough Guides reytingiga AQSh, Hindiston, Meksika va Indoneziya davlatlari kirdi.