A'zamxon Bahromov Qo‘shrabot tumaniga hokim bo‘ldi

Kecha, 4 sentabr kuni Xalq deputatlari Qo‘shrabot tumani Kengashining navbatdan tashqari sessiyasi bo‘lib o‘tdi. Sessiyada Samarqand viloyat hokimi vazifasini bajaruvchi T. Jo‘rayev ma'ruza qildi.

Kun.uz manbasi xabariga ko‘ra, sessiyada tashkiliy masala ko‘rilgan. Olimjon Akmalovich Alixo‘jayev o‘z arizasiga binoan Qo‘shrabot tumani hokimi vazifasidan ozod etilgan.

Viloyat hokimi vazifasini bajaruvchi tavsiyasiga ko‘ra, A'zamxon Usmonovich Bahromov Qo‘shrabot tumani hokimi etib tasdiqlandi.

Eslatib o‘tamiz, A'zamxon Bahromov o‘z vaqtida Samarqand viloyat hokimi vazifasini bajaruvchi lavozimida ham ishlagan.