AQSh koalitsiyasi o‘zining Suriya va Turkiya chegarasidagi bazasini yo‘q qildi

Foto: U.S. Army / Sgt. Nicole Paese

AQSh boshchiligidagi xalqaro koalitsiya Suriyaning Ayn-al-Arab shahri hududidagi bazasidan o‘z kuchlarini olib chiqib ketganidan so‘ng bazani yo‘q qildi, deb xabar berdi SANA agentligi.

Yakshanba kuni kurdlar va Damashq o‘rtasida Suriya shimoli-sharqiga hukumat qurolli kuchlarini kiritish to‘g‘risida kelishuvga erishilgach, Manbij tumani, Tabka bazasi va shahri hamda ilgari “Suriya demokratik kuchlari” nazoratida bo‘lgan Ayn-Issa va Tel-Tamr shaharlari hukumat kuchlari nazoratiga topshirildi.

Amerikalik harbiylar Tabka, Ayn-Issa va Manbijdagi bazalarini ham tark etdi.

Kurdlar va Damashq o‘rtasidagi kelishuvga ko‘ra, Suriya armiyasi turklar hujumini qaytarish va mahalliy aholini himoya qilish uchun chegara oldidagi butun hududni egallashi lozim.

#AQSh

Turkiya 9 oktabr kuni Suriya shimolidagi kurdlarga qarshi quruqlikdagi harbiy kampaniya boshladi. «Tinchlik bulog‘i» nomli amaliyotdan maqsad - Turkiya chegaralari yaqinida terrorchilar uchun yo‘lak qoldirmaslik hisoblanadi