Qoʻshimcha funksionallar
-
Tungi ko‘rinish
Krasnoyarsk o‘lkasida damba yorilishi oqibatida 12 kishi halok bo‘ldi
Foto: Rossiya FVV
Rossiyaning Krasnoyarsk o‘lkasida damba yorilishi oqibatida 12 kishi halok bo‘ldi, 19 kishi jarohat oldi. Yana 13 kishining taqdiri noma'lumligicha qolmoqda. Bu haqda “RIA Novosti” axborot agentligi xabar berdi.
Voqea Kuraginsk tumanidagi oltin konining texnologik suv havzasi dambasi bilan yuz bergan. Damba o‘pirilgandan keyin sel oqib, konchilar yashagan bir necha vagonchalarni oqizib ketgan.
Fojia mahalliy vaqt bilan soat 6lar atrofida yuz bergan.
Konda hammasi bo‘lib 180 ga yaqin odam ishlagan. Umumiy hisobda uchta to‘g‘on bo‘lgan.
“Yomg‘ir yog‘gan, ko‘rinishicha, to‘g‘onlardan biri yuvilib ketgan. Yana bittasi yorilgan va qolgani zanjir bo‘lib ketgan”, deb ma'lum qilingan xabarda.
Voqea joyida qidiruv-qutqaruv ishlari olib borilmoqda.
O‘lka gubernatori Aleksandr Uss vaziyatni o‘z nazoratiga olgan.
Mavzuga oid
11:38 / 15.05.2021
O‘zbekiston Tojikistondagi damba yorilishi natijasida suv toshqini xavfi bo‘yicha o‘quv mashqlari o‘tkazadi
23:56 / 21.10.2019
Krasnoyarskdagi damba yorilishi vaqtida O‘zbekiston fuqarosi bedarak yo‘qoldi
00:49 / 11.05.2018
Keniyada damba o‘pirilishi oqibatida 48 kishi halok bo‘ldi
09:31 / 24.03.2017