NASA rahbari Ilon Mask fazoviy kemasining tarixiy parvoziga izoh berdi

Braydenstayn raketa starti muvaffaqiyatli o‘tgandan keyin o‘zini yengil his qilganini, biroq bortida astronavtlar Daglas Xerli va Robert Benken bo‘lgan Crew Dragon kemasi Xalqaro koinot stansiyasiga tutashgandan keyingina ushbu muvaffaqiyatni nishonlashini aytdi. Uning ta'kidlashicha, u kemaning XKSga tutashishi ortidan Xyustondagi fazoviy parvozlar markazidan kuzatadi.

NASA rahbarining aytishicha, kema belgilangan orbitaga chiqqach XKSga tutashish oldidan uning manyovr dvigatellari yoqiladi. U ayni vaqtda astronavtlarga dam zarurligini, bu orada Yerdagi jamoada “dam olish uchun bir daqiqa” ham bo‘lmasligini aytgan. 

31 may kuni Toshkent vaqti bilan 00:22 da bortida Crew Dragon kemasi bo‘lgan Falcon 9 kemasi Floridadigi kosmodromdan fazoga uchirildi. Ushbu parvoz Crew Dragon’ning XKSga ikkinchi va bortida fazogirlar bilan birinchi parvozi bo‘ldi. Kemaning XKSga tutashishi raketa startidan taxminan 19 soat keyin yuz berishi kerak.

2011 yildan beri XKSga fazogirlar Rossiyaning “Soyuz” turidagi kemalari bilan yetkazib kelingan. NASA va “Roskosmos”ning XKSga bir fazogirni 90 mln dollarga yetkazishni ko‘zda tutuvchi shartnomasi 2020 yil oktyabrda nihoyasiga yetadi.