Qoʻshimcha funksionallar
-
Tungi ko‘rinish
Milliarder Baffet bilan birga ovqatlanish huquqi 19 mln dollarga sotildi
Uorren Baffet 2000 yildan buyon o‘zi bilan birga ovqatlanish huquqini auksionda sotadi. Shu vaqtga qadar ushbu savdolardan 53 mln dollar pul tushgan.
Foto: Reuters
Kimoshdi savdosida Uorren Baffet bilan kechki ovqatni birga tanovul qilish huquqi 19 mln dollarga sotildi. Bu haqda Reuters va Bloomberg xabar berdi.
Savdo g‘olibi ism-sharifi sir saqlanishini istagan.
Savdo eBay auksionida 25 ming dollar narx bilan boshlandi. Savdoning ikkinchi kunida narx 2 mln dollarga, uchinchi kuni esa 11 mln dollarga yetdi. Auksion savdosining so‘nggi daqiqasida 19,0001 mln dollar taklif etgan xaridor g‘olib bo‘ldi.
Auksion g‘olibi va u taklif etishi mumkin bo‘lgan yetti nafargacha mehmon Baffet bilan birga Manhettendagi Smith & Wollensky steyhausida ovqatlanishadi.
Baffet 2000 yildan buyon o‘zi bilan birga ovqatlanish huquqini auksionda sotadi. Faqat 2020 va 2021 yillari pandemiya sababli auksion o‘tkazilmagan. Shu vaqtga qadar ushbu savdolardan 53 mln dollar pul tushgan.
Savdodan tushgan pullar qashshoqlar, uysizlarga yordam berish va giyohvandlik moddalarini suiiste’mol qilishga qarshi kurashish bilan shug‘ullanadigan Glide notijorat tashkilotiga beriladi.
Avvalroq Baffet barcha boyligini Glide tashkilotiga taqdim etishini aytgandi. Investorning boyligi 93,4 mlrd dollarni tashkil etadi.
Mavzuga oid
09:32
O‘zbekistonda avtoraqam 1 mlrd so‘mdan ortiqqa sotildi
19:59 / 18.12.2024
Toshkentda yo‘lbo‘yi avtoturargohlarini tashkil etish uchun boshqa kompaniya tanlandi
01:13 / 21.11.2024
Belgiyalik rassomning «Yorug‘lik imperiyasi» turkumiga kiruvchi kartinasi 121,2 mln dollarga sotildi
22:19 / 28.08.2024