Fitch Belarusning uzoq muddatli reytingini pasaytirdi

Fitch xalqaro reyting agentligi Belarusning xorijiy valutadagi uzoq muddatli reytingini «S» («defolt muqarrar»)dan RD («cheklangan defolt» yoki muayyan majburiyatlar bo‘yicha defolt) darajasiga tushirdi. «2022 yil 13 iyulda 2027 yil yevrobondlari bo‘yicha kuponni to‘lashda 14 kunlik imtiyozli davr tugaganidan so‘ng biz Belarusning uzoq muddatli xorijiy valutadagi reytingini «cheklangan defolt» darajasiga tushirdik», — deyiladi agentlik bayonotida.

Tushirish faqat mamlakatning uzoq muddatli tashqi qarz majburiyatlariga taalluqlidir. Mahalliy valutadagi uzoq muddatli reyting «SSS» darajasida qolmoqda.
 
15 iyul kuni Moody's xalqaro reyting agentligi Belarus rublida amalga oshirilgan Belarus-27 yevrobondlari bo‘yicha kupon to‘lovlarini Belarusning tashqi qarzi bo‘yicha defolti deb tan oldi. Agentlik hisobotiga ko‘ra, obligatsiya egalari rubldagi to‘lovlarni ololmagan. Moliya vazirligi 22,9 million dollar to‘lashi kerak edi, ularning imtiyozli muddat tugaganidan keyin to‘lanmaganligi Moody's agentligi tomonidan defolt sifatida baholandi. Iyun oyi oxirida agentlik Rossiyaga nisbatan dollardagi davlat qarziga xizmat ko‘rsatishning iloji yo‘qligi sababli xuddi shunday xulosaga keldi. Belarus Moliya vazirligi Moody's harakatlarida «provokatsion xususiyat»ni ko‘rdi. 

Iyun oyi oxirida respublika hukumati matbuot xizmati Minsk sanksiyalar tufayli yevrobondlar bo‘yicha to‘lovlarni amalga oshirish bilan bog‘liq muammolar fonida yevroobligatsiyalar bo‘yicha qarz majburiyatlarini Belarus rublida bajarishini ma’lum qildi.