Shuhrat Polvonov Oliy sud raisi o‘rinbosari etib saylandi

Shuhrat Tog‘aymurodovich Polvonov sudyalik lavozimida bo‘lishning navbatdagi o‘n yillik muddatiga, O‘zbekiston Respublikasi Oliy sudi raisining o‘rinbosari – iqtisodiy ishlar bo‘yicha sudlov hay’ati raisi lavozimiga besh yil muddatga saylandi.

Bunga qadar Shuhrat Polvonov – Oliy Majlis Qonunchilik palatasi deputati, Korrupsiyaga qarshi kurashish va sud-huquq masalalari qo‘mitasi raisi o‘rinbosari lavozimida faoliyat yuritayotgan edi.

Shuningdek, Senat qaroriga muvofiq Gulnora Anvarovna Mirzayeva, Abdukamol Abdumalikovich Abdukarimov va Askar Tanirbergenovich Bekmanov Oliy sudning sudyasi lavozimiga o‘n yillik muddatga saylandi.

M.Nazarov, J.G‘aybullayev, B.Naimov, A.To‘xtashevlar Oliy sudning sudyasi lavozimidan ozod etildi.