Qoʻshimcha funksionallar
-
Tungi ko‘rinish
O‘zbekiston va Avstriya gidroenergetika sohasida hamkorlikni boshlamoqchi
Avstriya poytaxtida bo‘lib o‘tgan Yevropada xavfsizlik va hamkorlik tashkiloti Parlament assambleyasining navbatdagi qishki sessiyasidagi ishtiroki doirasida Senat raisining birinchi o‘rinbosari Sodiq Safoyev boshchiligidagi O‘zbekiston delegatsiyasi a’zolari Avstriya parlamenti Federal kengashi - yuqori palatasi prezidenti Gyunter Kovach bilan uchrashdi, deb xabar bermoqda «Dunyo».
Muzokaralar chog‘ida ikki tomonlama siyosiy, savdo-iqtisodiy va gumanitar sohalardagi o‘zaro hamkorlik istiqbollari hamda parlamentlararo aloqalarning ustuvor yo‘nalishlari muhokama qilindi.
Avstriya parlamenti Federal kengashi prezidentining aytishicha, Avstriya hukumati O‘zbekiston bilan iqtisodiy hamkorlikni kengaytirishga katta e’tibor qaratmoqda. «O‘zbekiston va Avstriya o‘rtasida gidroenergetika, tibbiyot, qishloq xo‘jaligi, atrof-muhitni muhofaza qilish va sanoatda qayta ishlash sohalarida o‘zaro hamkorlik uchun keng imkoniyatlar mavjud», dedi u.
Tomonlar qayd etilgan sohalarda o‘zaro manfaatli aloqalarni rivojlantirish yuzasidan atroflicha fikr almashdilar. Bo‘lib o‘tgan muzokaralar davomida Avstriya va O‘zbekistonning xalqaro maydondagi, xalqaro tashkilotlar, jumladan, BMT, YeXHT doirasida ko‘p tomonlama hamkorligini yanada chuqurlashtirish istiqbollariga ham e’tibor qaratildi.
Mavzuga oid
22:54 / 13.12.2024
Avstriya vataniga qaytishni istagan suriyalik qochqinlarga 1000 yevrodan to‘laydi
00:50 / 10.12.2024
Avstriya Shengen zonasining kengayishiga qo‘ygan vetosini bekor qildi
18:55 / 23.11.2024
Avstriyada santexnik 30 kiloli tilla tangalar topib oldi
09:01 / 16.11.2024