Qozog‘istonda buzilgan avtobusdan 63 nafar O‘zbekiston fuqarosi evakuatsiya qilindi

Aqto‘be viloyatidagi trassada nosozlik tufayli avtobus to‘xtab qoldi. Qozog‘iston qutqaruv guruhi 63 nafar O‘zbekiston fuqarosini evakuatsiya qildi.

Foto: Qozog‘iston FVV

12 mart kuni Aqto‘be viloyatida Aytekebi tumanidagi Qorabutoq – Qustanay avtomobil yo‘lining 144-uchastkasida avtobus texnik nosozlik tufayli to‘xtab qoldi.

Chaqiruv joyiga bir guruh qutqaruvchilar va texnikalar jo‘natildi. Qutqaruvchilarning tezkor harakatlari natijasida 63 nafar O‘zbekiston fuqarosi Aytekebi tumanidagi maktabga joylashtirildi, deb xabar qildi Qozog‘iston Favqulodda vaziyatlar vazirligi matbuot xizmati.

Eslatib o‘tamiz, fevral oyi oxirida Aqto‘be viloyatida yo‘l harakati cheklanishi sababli 52 nafar O‘zbekiston fuqarosi evakuatsiya qilingan edi.

#avtobus #Aqto‘be