Ukraina «g‘alla yo‘lagi» bo‘ylab 30 million tonna yuk jo‘natdi

Ukraina Qora dengizdagi «g‘alla yo‘lagi» bo‘ylab deyarli 30 million tonna yuk eksport qildi, birgina 2024 yilning fevralida bu ko‘rsatkich 8 million tonnani tashkil etdi. Bu haqda 4 mart, dushanba kuni bosh vazir o‘rinbosari Andrey Kubrakovning hisobotini eshitib, prezident Volodimir Zelenskiy ma’lum qildi. 

«Bunday urush davrida bu juda muhim. Men portlarimizda, kemalarda ishlaydigan, dengiz yo‘lagining ishlashi va uning xavfsizligini ta’minlayotgan barchaga minnatdorchilik bildiraman», - dedi Ukraina rahbari. Telegram’dagi postida u Ukraina rahbariyati «muqobil yo‘nalishlarni (qishloq xo‘jaligi mahsulotlarini eksport qilish uchun) – Dunay va Moldova orqali ishlab chiqishda davom etishini» qo‘shimcha qildi. 

6 fevral kuni Ukraina bosh vaziri Denis Shmixalning ma’lum qilishicha, olti oy davomida mamlakat Qora dengiz orqali deyarli 20 million tonna yuk eksport qilgan, shundan 70 foizi ukrainalik fermerlar qishloq xo‘jaligi mahsulotlaridir. «Ana shu olti oy ichida 660 dan ortiq yuk kemalari 32 ta davlatdagi manzillarga jo‘nab ketdi», — deb yozdi Shmigal Telegram’da. Unga ko‘ra, 2024 yil yanvarida dengiz orqali eksportning urushdan oldingi oylik darajasiga erishilgan. Bu oyda 2,8 milliard yevro ekvivalentidagi eksportning 60 foizga yaqini dengiz orqali amalga oshirildi. 

Rossiya «don kelishuvi»dan chiqqanidan keyin Ukraina yangi dengiz yo‘lagi yaratdi

Rossiyaning Ukrainaga hujumidan so‘ng, Rossiya Qora dengiz floti Ukraina dengiz orqali eksportiga to‘sqinlik qilishga urindi. 2022 yil iyulidan 2023 yil iyuligacha «don kelishuvi» amalda bo‘lgan - BMT va Turkiya vositachiligida Ukraina qishloq xo‘jaligi mahsulotlarini eksport qilishda Rossiya xavfsizligi kafolatlari bo‘yicha tuzilgan kelishuv. Biroq, keyin Rossiya Federatsiyasi bu bitimdan chiqdi. 

Shundan so‘ng Kiyev Qora dengizning g‘arbiy qismida yangi xavfsiz dengiz yo‘lagini yaratishga muvaffaq bo‘ldi. Bungacha Ukraina qurolli kuchlari Zmeiniy orolini ozod qilib, Rossiyaning bir qancha harbiy kemalarini, jumladan, Rossiya Qora dengiz floti flagmani - «Moskva» kreyserini cho‘ktirgan edi.