Britaniya O‘zbekistonda davlat kompaniyalarini xususiylashtirishda qatnashmoqchi

Forumda London fond birjasi, Franklin Templeton Investmens, PwC, Barclays, Deutsche Bank, Citibank, J.P.Morgan, WOOD&Co, Santander, Fieldfisher yetakchi xalqaro kompaniyalar hamda mamlakat moliya tashkilotlari ishtirok etdi.

Tadbirda respublikada qayta tiklanadigan energetika, kimyo sanoati, metallurgiya, elektrotexnika, farmatsevtika, oziq-ovqat sanoati va ta’lim sohalarida aniq investitsiyaviy loyihalar bo‘yicha taqdimotlar o‘tkazildi.

Ishtirokchilar so‘nggi yillarda O‘zbekistonda investitsiyaviy muhit sezilarli darajada yaxshilanganligini, xalqaro kompaniyalarning mamlakatimizda biznes yuritishga qiziqishi ortib borayotganini ta’kidladilar. Xorij tomoni, shuningdek, moliya-bank, ta’lim, atrof-muhitni muhofaza qilish, yirik davlat kompaniyalarining xususiylashtirish jarayonida qatnashishga qiziqish bildirdi.

Forum yakunlariga ko‘ra, respublika yirik sanoat korxonalarining kelgusida London fond birjasi bilan qimmatli qog‘ozlarni sotuvga qo‘yish va IPO o‘tkazishga birgalikda tayyorgarlik ko‘rish bo‘yicha kelishuvga erishildi.