Turistik klaster maqomini olish tartibi tasdiqlandi

Hujjat bilan Turistik klasterlarni tashkil etish va ularga turistik klaster maqomini berish to‘g‘risidagi nizom tasdiqlandi.

Turistik klaster maqomi Turizm qo‘mitasi tomonidan beriladi. Bu maqomni olish uchun quyidagi mezonlarga muvofiq bo‘lish kerak:

• turoperator – mehmonxona – transport xizmatlari faoliyatini to‘liq qamrab olish;
• klaster hududida kamida 40 kishiga mo‘ljallangan turistlarni joylashtirish vositalarining mavjudligi;
• klaster hududida kamida bitta milliy hunarmandchilik mahsulotlari sotish nuqtasining mavjudligi;
• turizmning quyidagi turlaridan birini tashkil etish:
• ekoturizm (geoturizm);
• agroturizm (qishloq turizmi);
• etnografik turizm;
• madaniy va tarixiy turizm;
• rekreatsion turizm;
• tibbiy (sog‘lomlashtirish) turizmi;
• turistlar (ekskursantlar) xavfsizligini ta’minlash;
• qo‘shimcha ko‘ngilochar xizmatlar yaratish (ot, tuya, transport, velosiped, qayiq, katamaranlar ijarasi va boshqalar);
• joylashtirish vositalarida joylarni oldindan band qilish va turistik xizmatlarni oldindan buyurtma qilish imkoniyatini yaratish.

 
Turistik klaster maqomini olish uchun ariza topshirilgandan so‘ng, vakolatli organ joyiga chiqib, arizachining talablarga muvofiqligini o‘rganadi va o‘z xulosasini Komissiyaga yuboradi. Komissiya Turizm qo‘mitasi xodimlari va turizm sohasidagi NNT vakillaridan iborat. Turistik klaster maqomi uning qarori bilan beriladi.