Қўшимча функционаллар
-
Тунги кўриниш
Абдулазиз Комилов АҚШ генерал-майори бошчилигидаги делегацияни қабул қилди
19 сентябрь куни Ўзбекистон ташқи ишлар вазири Абдулазиз Камилов АҚШнинг Миссисипи штати Миллий гвардияси қўмондони, генерал-майор Женсон Бойлз бошчилигидаги делегацияни қабул қилди, деб хабар берди ТИВ матбуот хизмати.
Хабарда айтилишича, ТИВда бўлиб ўтган суҳбат чоғида Ўзбекистон-АҚШ алоқаларининг мустаҳкамланиши доирасида Ўзбекистон ва Миссисипи штати ўртасидаги муносабатларни мустаҳкамлашнинг баъзи масалалари муҳокама қилинди.
“Генерал Женсон Бойлз Тошкентда бўлиб ўтган учрашувлар тўғрисида сўзлар экан, улар Миссисипи штати Миллий гвардияси ва Ўзбекистоннинг тегишли тузилмалари ўртасидаги ҳамкорликнинг истиқболлари юзасидан фикр алмашиш имконини берганлигини қайд этди”, - дейилади хабарда.
Музокараларда Ўзбекистон-АҚШ мулоқотидаги ижобий ўзгаришни мустаҳкамлаш ва ривожлантириш, унга кўп қиррали ва узоқ муддатли тус беришдан томонлар манфаатдорлиги таъкидланди.
Аввалроқ Миссисипи штати Миллий гвардияси қўмондони, генерал-майор Женсон Бойлз бошчилигидаги ҳарбий делегация Ўзбекистон Мудофаа вазирлигида учрашув ўтказгани хабар қилинганди.
Мавзуга оид
18:08 / 31.12.2024
FT Россия ва Украина 2025 йилда тинчлик шартномаси тузишини прогноз қилмоқда
08:55 / 31.12.2024
АҚШ Украинага ёрдам учун 2,5 миллиард доллар ажратди — бунақаси икки йилдан буён бўлмаганди
20:03 / 30.12.2024
Омадсиз лидер – АҚШнинг 100 ёшда вафот этган собиқ президенти Жимми Картер ҳақида нималар маълум?
16:47 / 30.12.2024