Қўшимча функционаллар
-
Тунги кўриниш
Иккита давлатда парранда гриппи авж олгани қайд этилди
2015 йилда АҚШнинг Айова ва Миннесота штатларида авж олган парранда гриппи оқибатида иқтисодиётга 1 млрд доллар зарар етганди.
Фото: Reuters
Саудия Арабистони ва Вьетнамда юқори патогенли парранда гриппи авж олгани қайд этилди. Бу ҳақда Жаҳон жониворлар саломатлигини ҳимоя қилиш ташкилоти (OIE) хабар берди.
Саудия Арабистони қишлоқ хўжалиги вазирлиги бўлим бошлиғи Санад Алҳарбийнинг маълумот беришича, қиролликнинг марказий қисмидаги парранда фабрикасида H5N8 гриппи тарқалганлигини аниқланган. Касалликдан 22,7 минг бош парранда ҳалок бўлган, 385 минг бошдан ортиқ парранда сўйилган.
Вьетнам қишлоқ хўжалиги вакили Хитой билан чегарага яқин бўлган қишлоқда H5N6 гриппи тарқалганини маълум қилди. Қайд этилишича, бу ерда 3 минг бош паррандадан 2,2 минг боши ҳалок бўлган.
2015 йилда АҚШнинг Айова ва Миннесота штатларида авж олган парранда гриппи оқибатида иқтисодиётга 1 млрд доллар зарар етганди.
Жаҳон соғлиқни сақлаш ташкилоти маълумотларига кўра, парранда гриппи кўпинча яққол симптомларсиз кечувчи қушлар юқумли вирус касаллиги ҳисобланади. Баъзи ҳолларда вирус одамлар ва ҳайвонларда касаллик ёки симптомларсиз инфекциялар келтириб чиқариши мумкин.
Мавзуга оид
00:24 / 04.10.2024
Ветнамдаги ҳайвонот боғида ўнлаб йўлбарслар парранда гриппи туфайли нобуд бўлди
21:22 / 12.04.2023
Хитойда парранда гриппидан дунёда биринчи марта одам ўлими қайд этилди
11:57 / 03.03.2023
ЖССТ эпидемиологи парранда гриппи пандемияси хавфидан огоҳлантирди
22:24 / 07.11.2022