Франкфурт – Тошкент рейси ҳаво кемасидаги носозлик туфайли бекор қилинди

Uzbekistan Airways 2022 йил 15 сентябр куни режалаштирилган HY-232 Франкфурт – Тошкент йўналиши бўйича авиақатнов ҳаво кемасида вужудга келган техник носозлик туфайли бекор қилинганини билдирди. 

Қайд этилишича, барча йўловчилар Франкфурт шаҳридаги меҳмонхонага жойлаштирилган. Ушбу ҳолат юзасидан қўшимча маълумот тақдим этилади.

Келтирилган ноқулайликлар учун йўловчилар ва уларни кутиб олувчилардан узр сўралган.