Қўшимча функционаллар
-
Тунги кўриниш
Наманганда тиббиёт муассасаси раҳбари ноқонуний кесилган дарахтлар учун жазоланди
Унга қарийб 70 млн сўмлик табиатга етказилган зарар ҳисобланган.
Фото: Экология вазирлиги
Наманган вилояти, Янги Наманган туманидаги «Оромгоҳ» маҳалласида 2 туп чинор ва 1 туп каштан дарахти ноқонуний кесилган. Бу ҳақда Экология вазирлиги хабар берди.
Қайд қилинишича, Наманган вилояти Экология бошқармаси ва Янги Наманган тумани бўлими ходимлари томонидан ўтказилган рейдда «Оромгоҳ» маҳалласидаги «Фтизиатрия ва пулмонология маркази» ҳудудида муассаса ходимлари томонидан 2 туп чинор ва 1 туп каштан дарахти ноқонуний равишда кесиб ташланган.
Ҳолат юзасидан ташкилот раҳбарига нисбатан маъмурий баённома тузилиб, БҲМ 10 баробари – 3 миллион 400 минг сўм миқдорида жарима белгиланган. Шунингдек, ўсимлик дунёсига 69 миллион 200 минг сўм зарар етказилгани маълум бўлган.
Қонунбузарлик учун ҳуқуқбузардан жарима ундирилиб, зарарни ундириш бўйича тўпланган ҳужжатлар суд органларига юборилган.
Мавзуга оид
07:34
40 млн сўмлик пиротехника буюмларини сотаётган шахслар ушланди
16:12 / 20.12.2024
Чиқиндиларни бошқариш соҳасида тўлов интизомини мустаҳкамлашга қаратилган қонун лойиҳаси қабул қилинди
19:05 / 26.11.2024
Наманганда флюорит тошини қайта ишлаш йўлга қўйилиши мумкин
16:53 / 22.11.2024