Қўшимча функционаллар
-
Тунги кўриниш
Навоийда пора олган ИИБ ходими озодликдан маҳрум қилинди
Навоий вилояти ИИБ Тезкор қидирув хизматининг Киберхавфсизлик бўлинмаси катта тезкор ходими картасидаги пулини ўғирлатган фуқародан пора тариқасида 600 доллар олган вақтда ушланган. У ушбу пулни фуқаронинг картасидаги пулни ким ечиб олганини аниқлаб бериш эвазига сўраган. Суд собиқ “опер”ни 3 йилга озодликдан маҳрум қилди.
Фото: Видеодан кадр
Навоийда фуқародан пора олган ИИБ ходими жиноий жазога тортилди. Kun.uz суд ҳужжати билан танишди.
Суд ҳукмида келтирилишича, 1988 йилда туғилган Х.М. 2011 йилдан ИИВ тизимида, 2023 йил 11 февралдан Навоий вилоят ИИБ Тезкор қидирув хизмати Киберхавфсизлик бўлинмаси катта тезкор вакили лавозимида ишлаб келган.
Карманада яшовчи фуқаро пластик картасидаги 62 млн сўм пулини ўғирлатган. У ички ишлар органига мурожаат қилганида, Х.М. гарчи бундай ҳолатларни фош этиш бевосита хизмат вазифасига кирса-да, пулни ким ечиб олганини аниқлаб бериш эвазига 600 доллар сўраган.
2024 йил 11 июн куни Х.М. жабрланувчидан сўралган пул маблағини олган вақтида ДХХ ва департамент ходимлари томонидан тезкор тадбирда ашёвий далиллар билан қўлга олинган.
Х.М. судда айбига тўлиқ иқрорлик билдирган ҳамда содир этган қилмишидан чин кўнгилдан пушаймон эканини айтиб, суддан озодликдан маҳрум қилиш билан боғлиқ бўлмаган жазо тайинлашни сўраган.
Суд ҳукми билан Х.М. Жиноят кодексининг 210-моддаси (пора олиш) 1-қисмида назарда тутилган жиноятни содир қилишда айбли деб топилган. Унга 2 йил ИИВ тизимида ишлаш ҳуқуқидан маҳрум этган ҳолда 3 йил муддатга озодликдан маҳрум қилиш жазоси тайинланган.
Мавзуга оид
21:28 / 18.12.2024
Гулистон ИИБ ТБ фуқаролик низосидан жиноят иши “ясади”. Терговчи янги йилни иссиқ уйида, 50 ёшли аёл эса Россия ҳибсхонасида кутиб оладими?
21:00 / 09.12.2024
200 долларлик фотосурат, “иш битирган” курка болалари ва қўшмачининг “танка”си – ноодатий поралар
16:07 / 03.12.2024
Савдо-саноат палатаси Навоий вилояти ҳудудий бошқармасига янги раҳбар тайинланди
12:07 / 30.11.2024