Хитой Россиянинг махфий флоти учун портларни ёпмоқда – ОАВ

Хитой АҚШ санкциялари туфайли нефт танкерлари учун асосий портларни ёпмоқда. Reuters агентлигига кўра, шарқий Шандун провинцияси чекловларни аллақачон эълон қилган.

2024 йилда Шандун порти Россия, Эрон ва Венесуэладан кунига 1,7 миллион баррелдан ортиқ нефт импорт қилган. Агентликнинг таъкидлашича, бунда танкерларнинг махфий флоти катта рол ўйнаган. Шандун порти буни рад этиб келмоқда. Хитойнинг кўплаб нефтни қайта ишлаш заводлари ушбу провинцияда жойлашган.

Хитой портларининг ёпилиши Россия нефти экспортига таъсир қилиши мумкин. Россия Хитойга кунига 1,2 миллион баррел нефт етказиб беради, унинг катта қисми, қарийб 80 фоизи денгиз орқали ўтади. Чекловлар оқибатида таъминот кунига 400-450 минг баррелга тушиб қолиши мумкин.

2024 йил охирида АҚШ, Буюк Британия ва Европа Иттифоқининг санкциялар рўйхатида Россия нефтини 60 долларлик юқори нарх чегарасини бузган ҳолда ташиган 180 га яқин танкер бор эди. Улардан 100 дан ортиғи лангар ташлашга мажбур бўлган.

Таҳлилчиларнинг фикрига кўра, Россиянинг махфий флоти мингдан ортиқ танкерлардан иборат. Reuters хабарига кўра, Доналд Трамп президентликка келишидан олдин Жо Байден маъмурияти Россия нефтини ташувчи яна 100 дан ортиқ кемага нисбатан санкциялар жорий этишни режалаштирмоқда.