Қўшимча функционаллар
-
Тунги кўриниш
«Оскар 2025» киномукофоти маросими ўтказилмаслиги мумкин
АҚШ ҳудудида сўнгги ҳафталарда тўхтамаётган йирик ёнғинлар туфайли ташкилотчилар маросимни бекор қилиш ёки форматини ўзгартириш ҳақида ўйламоқда.
Фото: Getty Images
Кинодаги энг нуфузли ва ҳар йили бўлиб ўтадиган «Оскар» мукофотини топшириш маросими бекор қилиниш арафасида. Бу ҳақда The Sun ёзди.
АҚШ ҳудудида сўнгги ҳафталарда тўхтамаётган йирик ёнғинлар туфайли ташкилотчилар нафақат мукофотга номзодлар эълон қилинишини кейинга қолдирди, балки маросимни бекор қилиш ҳақида ҳам ўйламоқда.
Инсайдерларга кўра, улар доимий равишда вазиятни таҳлил қилиб, атрофдаги ёнғин пайтида кенг кўламли тадбир ўтказиш мақсадга мувофиқ эмаслиги ҳақида ўйламоқда.
«Ташкилотчилар учун асосий ташвиш — кўплаб лос-анжелесликлар ақлбовар қилмас йўқотишларга дуч келган ва қалби оғриётган пайтда худди байрам қилаётгандек кўринмасликдир. Ҳатто, ёнғин келаси ҳафта ўчирилган тақдирда ҳам шаҳарликлар барибир оғриқни ҳис қилаверади», деди инсайдер.
«Оскар» мукофоти бу йил бўлиб ўтиши ёки бекор қилиниши ҳозирча маълум эмас. Аммо ташкилотчилар ҳар қандай ҳолатда ҳам анъанавий ҳашаматли тадбир ўтказмаслигини ва ғолибларга қимматбаҳо совғалар топширилмаслигини таъкидламоқда.
«Мукофотнинг асосий эътибори имконият пайдо бўлганда жабрланганларни қўллаб-қувватлаш ва хайрия маблағи йиғишга қаратилади», дейилади хабарда.
«Оскар 2025» киномукофотини топшириш маросими 3 март кунига белгиланган.
Мавзуга оид
22:56 / 16.01.2025
“Олигархия – эркинлигимизга таҳдид” — Байден хайрлашув нутқини сўзлади
17:12 / 16.01.2025
АҚШ Марказий Осиё давлатларига нисбатан Жексон-Вэник тузатишини бекор қилиши мумкин
16:37 / 16.01.2025
Маскнинг ёрдами — миллиардер Калифорниядаги ёнғин ҳудудларига Wi-Fi'дан бепул фойдаланиш имкониятини берди
09:52 / 16.01.2025