Infantino durang natijalardan qutulmoqchi

FIFA prezidenti Janni Infantino jahon chempionati formati uchun yana bir taklifni bildirmoqda.

AFP xabariga ko‘ra, u guruh bosqichi o‘yinlarida durang natija bo‘lmasligini istamoqda.

U guruhlardagi yakuniy o‘yinlarda jamoalarni durang natija qoniqtiradigan vaziyat vujudga kelganida, bu vaziyat o‘yin sifatiga salbiy ta'sir qilmasligini ta'minlamoqchi.

U guruhdagi o‘yinlar durang natija bilan yakunlanganida, g‘olibni penaltilar seriyasida aniqlashni taklif qilgan. 

Bu o‘zgarishlar ham JCh-2026 musobaqasidan boshlab amalga kiritilishi mumkin.

Eslatib o‘tamiz, Infantino bundan oldinroq mundial ishtirokchilarini 48ta qilib belgilash va bu terma jamoalar 3tadan bo‘lib, 16ta guruhni tashkil etishini taklif qilgandi.