Prokuratura O‘zDJTU talabasi o‘z joniga qasd qilgani yuzasidan ma’lumot berdi

Bosh prokuratura O‘zbekiston davlat jahon tillari universiteti 2-kurs talabasi universitet 4-qavatidan o‘zini pastga tashlab, joniga qasd qilgani bo‘yicha rasmiy axborot berdi.

Ma’lum qilinishicha, voqea bugun, 29 aprel kuni soat 08:10 larda ro‘y bergan. Marhum talaba (erkak) 2001 yilda Namangan viloyatida tug‘ilgan.

Hodisa sabablarini aniqlash, ish uchun ahamiyatli bo‘lgan iz, dalil va boshqa muhim buyumlar inson ta’siri oqibatida yo‘qolishi yoki shikast yetkazilishining oldini olish maqsadida, jinoyat protsessual qonunchiligiga rioya qilgan holda, Uchtepa tuman prokuraturasi tomonidan tekshirish harakatlari olib borilmoqda, deyiladi xabarda.