O‘zbekistonga dam olish uchun eng ko‘p Rossiya fuqarolari kelmoqda 

2023 yilning yanvar-iyul oylarida jami 3,7 mln nafar chet el fuqarolari turistik maqsadlarda O‘zbekistonga tashrif buyurgan. 

Statistika agentligi ma’lumotlariga ko‘ra, shundan 397,3 ming nafari dam olish maqsadida O‘zbekistonga kelgan.

O‘zbekistonga 7 oyda eng ko‘p dam olish maqsadida tashrif buyurgan davlatlar fuqarolari orasida Rossiya birinchi o‘rinni egallab turibdi – 137,2 ming nafar.

Ushbu ko‘rsatkich qolgan davlatlar kesimida quyidagicha ko‘rinish oldi:

• Qozog‘iston – 33,6 ming nafar;
• Tojikiston – 21,5 ming nafar;
• Qirg‘iziston – 20,3 ming nafar;
• Turkiya – 19,3 ming nafar;
• Hindiston – 14,3 ming nafar;
• Xitoy – 14,1 ming nafar;
• Turkmaniston — 13,5 ming nafar;
• Janubiy Koreya – 12,1 ming nafar;
• Germaniya — 10,6 ming nafar.