Shotlandiya bosh vaziri: dunyo Jabaliya lageridagi begunoh odamlarni himoya qila olmaganidan afsusdaman

G‘azo sektorida inson hayotiga ochiqdan-ochiq e’tiborsizlikni so‘zsiz qoralash kerak. Bu haqda Shotlandiya bosh vaziri Hamza Yusuf ma’lum qildi.

«Jabaliya qochqinlar lagerida begunoh erkaklar, ayollar va bolalar; Dunyo sizni himoya qila olmaganidan afsusdaman», — deb yozdi Hamza Yusuf X ijtimoiy tarmog‘ida.

U bolalar o‘limining oldini olishga chaqirdi va tezroq o‘t ochishni to‘xtatish zarurligini ta’kidladi. 

Avvalroq G‘azo Sog‘liqni saqlash vazirligi Isroil harbiy samolyotlari G‘azo sektori shimolidagi Jabaliya qochqinlar lageriga hujum qilganini ma’lum qilgandi. 

7 oktyabr kuni ertalab HAMASning harbiy qanoti - «Izzaddin al-Qassam brigadalari» Isroilga qarshi «Al-Aqso to‘foni» operatsiyasi boshlanganini e’lon qildi. G‘azo sektoridan Isroil tomon minglab raketalar otildi, qurolli guruhlar Isroil aholi punktlariga kirdi.

HAMASning bildirishicha, operatsiya bosib olingan Sharqiy Quddusdagi Al-Aqso masjidiga bostirib kirish va isroillik muhojirlarning falastinliklarga nisbatan zo‘ravonligi kuchayib borayotganiga javoban amalga oshirilgan. 

Bunga javoban Isroil armiyasi G‘azo sektorida HAMASga qarshi o‘nlab qiruvchi samolyotlardan foydalangan holda «Temir qilichlar» operatsiyasi boshlanganini e’lon qildi. 

Isroil-Falastin mojarosi avj olgandan beri 8,5 mingdan ortiq falastinlik va 1400 nafar isroillik halok bo‘ldi.

Isroilda qurbonlar soni 1400 dan oshadi. G‘azoning 2,3 million aholisi Isroilning havodan ommaviy bombardimon qilishi va eksklavning to‘liq blokadasi tufayli oziq-ovqat, suv va dori-darmonlar tanqisligidan aziyat chekmoqda.