Taniqli klipmeyker Jasur Shametov 39 yoshida vafot etdi

U ko‘plab badiiy filmlarda operatorlik va rejissyorlik ham qilgan.

Foto: Madaniyat vazirligi

Taniqli klipmeyker Jasur Shametov vafot etdi. Bu haqda Madaniyat vazirligi ma’lum qildi.

Jasur Shametov “Zarb”, “Gunoh”, “Poyma-poy”, “Sadoqat”, “Qalbaki dunyo”, “Achchiq hayot”, “Qalbim o‘g‘risi” kabi bir qancha badiiy filmlarda operatorlik, “Mahallada nima gap” musiqiy-komedik filmida rejissyorlik qilgan. Rayhon, Lola, Shohruxxon, Munisa Rizayeva, “Afro‘z” guruhi va boshqa xonandalarning o‘nlab kliplarini tasvirga olgan.

Shuningdek, Jasur Shametov 2021 yili “Zakovat” klubining yangi madhiyasi bo‘lgan Shohrux reperning “Zakovat” qo‘shig‘iga klip ham suratga olgan edi.

#Madaniyat vazirligi #Jasur Shametov