Samarqandda maktabda qarta o‘ynagan direktor ishdan olindi

Paxtachi tumanidagi maktablardan birining direktori va uning o‘rinbosari lavozimidan ozod qilindi. Bunga direktorning maktabda qarta o‘ynagani hamda o‘rinbosarining o‘quvchi qizlarni kaltaklagani sabab bo‘lgan.

Ijtimoiy tarmoqlarda Paxtachi tumanidagi 8-umumta’lim maktabiga oid videolavha tarqaldi. Unda direktor maktabda qarta o‘ynab o‘tirgani va direktor o‘rinbosari o‘quvchi qizlarni kaltaklayotgani aks etgan.

Ushbu holat Paxtachi tumani Maktabgacha va maktab ta’limi bo‘limi mas’ullari tomonidan o‘rganib chiqilgan. Bu haqda Samarqand viloyati Maktabgacha va maktab ta’limi boshqarmasi rasmiy munosabatida ma’lum qilindi.

Rasmiy munosabatda keltirilishicha, videolavhadagi holatlar haqiqatan Paxtachi tumanidagi 8-umumta’lim maktabiga tegishli ekani tasdig‘ini topgan. Maktab direktori va maktabning o‘quv ishlari bo‘yicha direktor o‘rinbosari egallab turgan lavozimidan ozod etilgan.

Navoiyda maktab qorovulxonasida qimor o‘ynagan direktor va uning o‘rinbosari ishdan olindi

#Samarqand #maktab #direktor