Сервер Жепаров тақиқ сабаб ярим мавсум футбол ўйнай олмаслиги мумкин
Икки ҳафта муқаддам Теҳроннинг «Истиқлол» клуби билан шартнома имзолаган Сервер Жепаров янги жамоасида муаммоларга дуч келди. Бу ҳақда Tribuna.uz нашри хабар бермоқда.
Манбага кўра, теҳронликлар жамоанинг германиялик собиқ футболчиси Одил Чихига шартномада кўрсатилган пулни тўлиқ тўлашмаган учун ФИФА январь ойидаги трансфер пайтида «Истиқлол» клубига янги футболчиларни рўйхатдан ўтказишни тақиқлаш борасида қарор қабул қилди. Қарорга кўра, «Истиқлол» қарор юзасидан апелляция бериш ҳуқуқига ҳам эга бўлмайди.
«Истиқлол» январда Сервер Жепаров ва Андраник Теймурян билан шартнома имзолашга улгурганди. Бироқ эндиликда жамоа бу футболчиларни Эрон чемпионати ва ОЧЛ мусобақаларида рўйхатдан ўтказа олмайди.
Эслатиб ўтамиз, Жепаров «Истиқлол» билан бир ярим йиллик шартнома имзолаганди.
Мавзуга оид
20:12
Эрон олий раҳнамоси «Ҳизбуллоҳ» раҳбари ўлдирилганидан кейин хавфсиз жойга кўчирилди
09:19
Нетаняҳу БМТда Эронга Исроилнинг «қўли узунлиги» билан таҳдид қилди
12:10 / 26.09.2024
Трамп Эрон томонидан ўлдириш таҳдидлари ҳақида огоҳлантирилди
21:24 / 25.09.2024