Чеченистон мактабларида ҳижобда юришга рухсат берилди
Чеченистон парламенти маҳаллий анъаналар ва эътиқоддан келиб чиқиб кийинишга рухсат берди. Бу ҳақида қонунчилик органи матбуот хизматига асосланиб, РИА "Новости" хабар берди.
"Мазкур қонун лойиҳаси ташкилотларнинг таълимий фаолияти самарадорлиги ва ўқувчиларнинг конституцион ҳуқуқларини таъминлашни яхшилашда инкор этиб бўлмайдиган юридик ҳужжат бўлиб хизмат қилади", - дея изоҳ берди спикер Магомед Даудов.
Парламентда янги қоидалар "Россия Федерациясидаги таълим тўғрисида"ги федерал қонунга зид келмаслиги таъкидланди.
Россия мактабларида ҳижоб ва бошқа диний кийимларда юриш жамиятда турли баҳсларга сабаб бўлди. Январь ойи охирида таълим ва фан вазири Ольга Васильева кишилар ўзининг динга бўлган муносабатини ташқи атрибутлар ёрдамида таъкидламаслиги кераклигини айтганди.
Чеченистон раҳбари Рамзан Қодиров вазирнинг сўзларини кескин танқид қилди. У ҳижобга қарши чиқувчилар мактаблардаги бошқа муаммоларни ҳал қилса, мақсадга мувофиқ бўлишига ишора қилди.
Мавзуга оид
21:22 / 19.09.2024
Чеченистон собиқ бош вазири мактабларда Дарвин назариясини тақиқлашни талаб қилди
18:09 / 13.09.2024
Андижонда ўқувчиларни жазо сифатида ўтириб-турғазган ходимга чора кўрилди
17:12 / 13.09.2024
Самарқандда мактабда қарта ўйнаган директор ишдан олинди
14:38 / 12.09.2024