Қўшимча функционаллар
-
Тунги кўриниш
КХДР ва Россия ўртасида йўловчи кема қатнови йўлга қўйилмоқда
Фото: RIA
Пайшанба куни Шимолий Кореянинг Ражин тумани ва Россиянинг Владивосток шаҳри ўртасидаги янги доимий йўналиш бўйича юк-йўловчи теплоходи илк рейси Приморьега келди. Бу ҳақда РИА Новости ташувчи компания "ИнвестСтройТрест" вакилига асосан хабар берди.
"Кема эрталаб Владивостокнинг Денгиз вокзалига етиб келди", - дея хабар берган суҳбатдош. Теплоход тескари йўналиш бўйича жума куни кечқурун йўлга чиқади.
Хабар қилинишича, кема бортида туристлар бўлмаган, теплоход россияликлар ва Хитой туркомпаниялари вакилларини олиб келган, улар йўналишни текшириб кўрган. Режага кўра, хитойлик туристларга келаси ҳафтадан бошлаб хизмат кўрсатила бошланади.
Аввал КХДР ва Россия ўртасида йўловчи кемалари қатнови бўлмаган. Шимолий Кореянинг Насон шаҳри ва унинг тумани Ражин алоҳида иқтисодий зона мақомини олди. Шу тариқа, бизнесни эркин юритиш имконияти яратилди.
"ИнвестСтройТрест" маълумотига кўра, дастлабки пайт Россияга Хуньчундан (ХХР) хитойлик сайёҳларни, рус туристларни эса Ражинга ва шимолий кореялик ишчиларни Россия ҳамда тескари йўналишда манзилига етказиш режалаштирилган. Кема учта қуруқ трюмга эга бўлиб, унга 1500 тонна юк сиғиши мумкин.
Мавзуга оид
09:08 / 08.11.2024
Зеленский: Курск областидаги КХДР аскарлари йўқотишларга дучор бўлмоқда
20:15 / 27.10.2024
Украинага қарши жангга ташланган КХДР аскарлари: экспертлар қандай фикрда?
15:07 / 25.10.2024
Ветнамдан Эронгача: Шимолий Корея қачон ва кимларга урушда ёрдам берган?
14:40 / 21.10.2024