Алишер Усмоновдан янги видеомурожаат: “Туф сенга яна бир марта”
Асли келиб чиқиши ўзбекистонлик бўлган россиялик тадбиркор Алишер Усмонов «ВКонтакте» ижтимоий тармоғидаги саҳифасида янги видеомурожаатини эълон қилди. Унда Усмонов мухолифатчи Алексей Навальнийни Михаил Булгаковнинг «Ит юрак» асари қаҳрамони Полиграф Шариков билан таққослаган.
«Мана сен, Алексей Полиграфович, муносиб давомчига айланмоқдасан. Бироқ, агарда Шариков китобда шунчаки тентак ва саводсиз одам бўлса, сен ундан ҳам узоқроққа қараб кетаяпсан. Сен нафақат сафсатабоз, балки жуда ҳам бадиий ёлғончисан», - деди тадбиркор.
Шунингдек, унинг таъкидлашича, мухолифатчидан дебатларга таклифни эмас, балки узр сўрашини кутганди.
«Бизнинг дебатлар судда бўлади, Алексей Полиграфович Навальний. Туф сенга яна бир марта», - деди у.
Бундан ташқари, Усмонов ўзининг илк видеомурожаати ҳақида ўз фикрини, жумладан, «жуда ёмон» бўлса ҳам, билдирган барчага миннатдорлик изҳор қилди.
Аввалроқ Алишер Усмоновнинг биринчи видеомурожаати ҳамда унга Навальний қайтарган жавоби ҳақида мақолалар тақдим этилганди.
Мавзуга оид
20:26 / 27.09.2024
Украина суди Алишер Усмоновнинг қарийб 50 миллион доллар активларини мусодара қилди
22:30 / 22.08.2024
Алишер Усмонов россияликларга нисбатан жорий қилинган санкциялар тескари самара берганини айтди
19:40 / 17.06.2024
Алишер Усмонов UBS Europe банкини судга берди
22:52 / 11.06.2024