Водородда ҳаракатланувчи илк тижорат электробайки ишлаб чиқилди
Pragma Industries компанияси экологик саёҳат тарафдорларини Alpha 2.0 электробайки билан хурсанд қилди. Модель ёнилғи сифатида водородли ҳужайралардан фойдаланади - Pedelec ёнилғи элементи компаниянинг шахсий ишланмаси ҳисобланади.
Бошқа электробайкларга нисбатан "камтар" ҳисобланган 150 Втс қувватга эга бўлган модель қўшимча қувватланишсиз 100 километргача ҳаракатлана олади. Бундай масофадаги йўналишга 2 литр сиқилган водород сарфланади. Янги транспортнинг максимал тезлиги 25 км/соатни ташкил қилади.
Қурилмани розеткадан қувватлантиришга ҳожат йўқ. Қувватланиш учун бир неча соат эмас, атиги 2 дақиқа кетади, бунда ташқи муҳит ҳарорати жараённи секинлаштирмайди. Энергияни қайта тиклаш учун сув қувури ва электр тармоғига уланишнинг ўзи кифоя қилади - Atawey компанияси томонидан ишлаб чиқилган кичик электростанция гидролиз жараёнини ишга туширади.
Ишлаб чиқарувчиларга энергиядан оқилона фойдаланиш ва экологик мобилликдан манфаатдор инвесторларни топишгина қолди. Муваффақиятли битим имзоланган тақдирда, Alpha 2.0 электробайкини оммавий ишлаб чиқариш йўлга қўйилади. Унинг тахминий нархига доир маълумотлар йўқ.
Мавзуга оид
18:55 / 14.09.2024
АҚШда водородда ҳаракатланадиган ноёб самолёт тақдим этилди
07:53 / 30.08.2024
ЕТТБ Ўзбекистонда қайта тикланадиган водород ишлаб чиқариш учун маблағ ажратади
18:28 / 21.08.2024
ФНҚЗни 100 млн долларга хусусийлаштириб олган Saneg унинг бир қисмини 140 млн долларга сотди
18:40 / 20.08.2024