Саудия Арабистонида яна икки шаҳзода озодликка чиқарилди
Саудия Арабистонининг марҳум қироли Абдуллоҳ бин Абдулазиз Ол Сауднинг коррупция иши бўйича ҳибсга олинган икки ўғли – Файсал бин Абдуллоҳ ва Машъал бин Абдуллоҳ озодликка чиқарилди. Бу ҳақда The National нашри хабар бермоқда.
Ўтган ҳафтада ҳибсда ушлаб турилган 200 дан кўпроқ кишидан 23 нафари озод қилингани маълум қилинганди. Барча озод қилинганлар суд билан битим тузишга рози бўлишган.
ОАВ маълумотларига кўра, айни вақтда фақатгина Турки бин Абдуллоҳ ҳибсда ушлаб турилибди. Ака-укалардан яна бири – Митоб бин Абдуллоҳ ноябрда қўйиб юборилган.
Ноябрь бошида Саудия Арабистонининг коррупцияга қарши кураш қўмитаси қироллик оиласидан 11 шаҳзодани ва амалдаги ҳукуматдан 4 вазирни ҳибсга олишга кўрсатма берган. Тергов давомида 320 киши сўроқ қилинган, 2 мингдан кўпроқ банк ҳисоб рақами музлатиб қўйилган.
Мавзуга оид
08:20 / 11.09.2024
«Умра – 2024» янги мавсуми бошланди
19:53 / 10.09.2024
Коррупцияга қўл урган 566 нафар шахс давлат ишига қайтадан кириб, яна коррупцияга қўл урган
19:11 / 23.08.2024
Қозоғистонда 10 миллион долларлик «тушунарсиз бойлик» давлатга қайтарилди
09:46 / 23.08.2024