«Ювентус» «Бавария»ни мағлуб этди

«Ювентус» Халқаро чемпионлар кубоги учрашувида «Бавария»ни мағлубиятга учратди. Филадельфиядаги «Линкольн Файненшел Филд» стадионида кечган баҳс Турин клубининг 2:0 ҳисобидаги ғалабаси билан якунланди.

Баҳсдаги ҳисобни туринликлар ҳужумчиси Андреа Фавилли 32-дақиқада очди, у «Бавария» голкипери Свен Ульрайхнинг қўпол хатосидан унумли фойдаланиб қолди. 21 ёшли форвард орадан 8 дақиқа ўтиб дубль қайд этди.

«Ювентус» кейинги учрашувда «Бенфика» билан куч синашади (28 июль), «Бавария» «Манчестер Сити»га қарши майдонга тушади (29 июль).

Ювентус Италия – Бавария Германия 2:0 (2:0, 0:0)
Голлар: 1:0 – 32 Фавилли, 2:0 – 40 Фавилли.
Ювентус – Перин (Пинсольо, 71), Кьеллини (Кальдара, 54), Ругани(Бардзальи, 54), Алекс Сандро, Жоау Канселу (Мацек, 71), Джан (Фаджоли, 44), Пьянич (Кастанос, 71), Бернардески (Матеус Перейра, 59), Маркизио(Фернандес, 46), Де Шильо, Фавилли (Бельтраме, 54).
Бавария – Ульрайх (Хофманн, 82), Мартинес (Алаба, 37), Станишич(Richards, 46), Бернат (Майер, 46), Johansson (Рафинья, 46), Рибери (Коман, 46), Цилла (Чжон Ву Ен, 46), Гнабри (Роббен, 46), Шабани (Саншеш, 46), Will (Цайзер, 46), Вагнер (Вридт, 46).
Огоҳлантириш: Кьеллини (16).