Ҳиндистон мамлакат душманларига уруш билан таҳдид қилди

Фото: EPA

Ҳиндистон бош вазири Нарендра Модининг маълум қилишича, мамлакат душманлари вазиятни беқарорлаштириш учун терактлар ва фитналардан фойдаланмоқда. Унинг сўзлари Associated Press томонидан келтирилган.

«Ҳиндистон курашади, яшайди, меҳнат қилади ва ғалаба қозонади», - деди у, ҳукмрон Ҳинд халқ партияси вакиллари олдида чиқиш қилиб.

Агентликнинг таъкидлашича, бош вазир Покистон билан Кашмирдаги зиддият ҳақида гапирмаган. Шу билан бирга, партия аъзолари қўшни мамлакатга янги зарбалар бериш кераклигини айтишган.

Бундан ташқари, Ҳиндистон Мудофаа вазирлигидаги манбаларнинг билдиришича, Исломобод «Жайш-а-Муҳаммад» террорчилик гуруҳи етакчиларини ўз ҳудудида яширяпти.

Эслатиб ўтамиз, аввалроқ Покистон ва Ҳиндистон яна бир-бирига ўт очганди.

Ундан олдин эса Покистон Ҳиндистоннинг иккита ҳарбий самолётини уриб туширганди. Шундан сўнг, Ҳиндистон жавоб қайтариб, Покистоннинг қирувчи самолётини уриб туширди.

#Ҳиндистон #Покистон

14 февраль куни Покистон ҳудудида ўрнашган «Жайш-э-Муҳаммад» террорчи гуруҳи Кашмирда Ҳиндистон армияси ҳарбийлари колоннаси ўтаётган йўлда теракт содир этиши натижасида 46 нафар ҳинд ҳарбийси ҳалок бўлди. Бу воқеа ортидан Покистон ва Ҳиндистон муносабатларида можаро яна авж олди.