Покистон устидан парвоз қилишга қўйилган тақиқ узайтирилди

Фото: AP Photo/Fareed Khan

Покистон авиация раҳбарияти мамлакат устидан парвоз қилиш борасидаги тақиқ муддатини яна бир кунга узайтирди

Бу ҳақда Покистон фуқаро авиацияси бошқармаси сайтида хабар қилинди.

Шу билан бирга, мамлакатнинг тўрт аэропорти тижорат парвозларини чекланган режимда амалга оширмоқда. Булар Пешовар, Кветта, Карочи, Исломободдаги аэропортлар бўлиб, улар 1 март куни тегишли рухсатномани олган.

Покистон ҳаво сарҳади Ҳиндистон билан кескинлик юзага келгани сабабли 27 феврал куни ёпилганди. Вазият кескинлашишига Жамму ва Кашмир штатида ҳинд ҳарбийларига ҳужум қилиниши сабаб бўлди. 45 кишининг ҳаётига зомин бўлган мазкур ҳужум учун жавобгарликни "Жайиши Муҳаммад" гуруҳи ўз зиммасига олган.

#Покистон #авиация

14 февраль куни Покистон ҳудудида ўрнашган «Жайш-э-Муҳаммад» террорчи гуруҳи Кашмирда Ҳиндистон армияси ҳарбийлари колоннаси ўтаётган йўлда теракт содир этиши натижасида 46 нафар ҳинд ҳарбийси ҳалок бўлди. Бу воқеа ортидан Покистон ва Ҳиндистон муносабатларида можаро яна авж олди.