Покистонда поездлар тўқнашуви 21 кишининг ҳаётига зомин бўлди
Покистон шимолидаги Панжоб вилоятида йўловчи ва товар поездлари тўқнашиши оқибатида 21 киши ҳалок бўлди, 89 киши жароҳат олди. Бу ҳақда Geo TV телеканали хабар берди.
Лаҳордан Кветтага йўловчиларни олиб кетаётган поезд Раҳимёр-Хор шаҳрида турган товар поездига катта тезликда келиб урилган. Дастлабки маълумотларга кўра, йўловчи поезди ўз йўлида ҳаракатланмаган. Тўқнашув оқибатида поезднинг 3 та вагони релслардан чиқиб кетган. Гувоҳларнинг хабар беришича, тўқнашув эрта тонгда, аксарият йўловчилар ҳали уйқуда бўлган вақтда юз берган.
Полициянинг маълум қилишича, воқеа жойида қидирув-қутқарув операцияси якунланган. Барча жароҳатланганлар маҳаллий шифохонага етказилганлар. Воқеанинг тергови олиб борилмоқда.
Мавзуга оид
12:50 / 21.09.2024
Покистон Ўзбекистон иштирокидаги халқаро транспорт йўлагини ташкил этиш бўйича меморандумни имзолади
14:10 / 10.09.2024
Нидерландияда қотилликка ундаганликда айбланган икки покистонлик судланди
09:29 / 10.09.2024
Тошкентда 36 ёшли аёл поезд уриб кетиши оқибатида вафот этди
12:27 / 21.08.2024