Фазлиддин Ғоибназаров рингга қайтди ва биринчи раунддаёқ рақибини нокаутга учратди
2016 йилги Олимпиада чемпиони Фазлиддин Ғоибназаров (8-1, 5 КО) Олмаотадаги бокс кечасида рингга чиқди.
Профессионал бокснинг супер енгил (-63,5 кг) вазн тоифасида иштирок этаётган ўзбекистонлик боксчига украиналик Владислав Баранов (6-5-2, 4 КО) рақиблик қилди. Саккиз раундга мўлжалланган жанг биринчи раунддаёқ Ғоибназаровнинг ғалабаси билан якунланди: узоқ танаффусдан кейин рингга қайтган боксчи Барановни кучли зарбаси билан қийин аҳволга солиб қўйди ва рефери техник нокаут ҳолатини қайд этди.
Шу тариқа, Фазлиддин профи-рингдаги ғалабалари сонини 8тага етказди, шундан 5таси — муддатидан аввалги ғалабалар.
Эслатиб ўтамиз Фазлиддин Ғоибназаров профессионал фаолиятидаги ягона мағлубиятини шу йилнинг майида Майкал Фоксдан (21-1, 5 КО) қабул қилиб олганди, у америкалик боксчига қарши кечган 10 раундлик жанг якунида очколар ҳисобида имкониятни бой бериб қўйганди.
Мавзуга оид
10:17
Энтони Жошуа титул учун жангда бир неча бор полга қулади
13:47 / 11.09.2024
Қирғизистон президенти ўзбекистонлик бокс мураббийи Акмал Ҳасановга автомобил совға қилди
09:00 / 21.08.2024
Уришқоқ боладан олимпиада чемпионлигигача — Асадхўжа Мўйдинхўжаев хонадонидан репортаж
18:29 / 16.08.2024