Fazliddin G‘oibnazarov ringga qaytdi va birinchi raunddayoq raqibini nokautga uchratdi
2016 yilgi Olimpiada chempioni Fazliddin G‘oibnazarov (8-1, 5 KO) Olmaotadagi boks kechasida ringga chiqdi.
Professional boksning super yengil (-63,5 kg) vazn toifasida ishtirok etayotgan o‘zbekistonlik bokschiga ukrainalik Vladislav Baranov (6-5-2, 4 KO) raqiblik qildi. Sakkiz raundga mo‘ljallangan jang birinchi raunddayoq G‘oibnazarovning g‘alabasi bilan yakunlandi: uzoq tanaffusdan keyin ringga qaytgan bokschi Baranovni kuchli zarbasi bilan qiyin ahvolga solib qo‘ydi va referi texnik nokaut holatini qayd etdi.
Shu tariqa, Fazliddin profi-ringdagi g‘alabalari sonini 8taga yetkazdi, shundan 5tasi — muddatidan avvalgi g‘alabalar.
Eslatib o‘tamiz Fazliddin G‘oibnazarov professional faoliyatidagi yagona mag‘lubiyatini shu yilning mayida Maykal Foksdan (21-1, 5 KO) qabul qilib olgandi, u amerikalik bokschiga qarshi kechgan 10 raundlik jang yakunida ochkolar hisobida imkoniyatni boy berib qo‘ygandi.
Mavzuga oid
10:17
Entoni Joshua titul uchun jangda bir necha bor polga quladi
13:47 / 11.09.2024
Qirg‘iziston prezidenti o‘zbekistonlik boks murabbiyi Akmal Hasanovga avtomobil sovg‘a qildi
09:00 / 21.08.2024
Urishqoq boladan olimpiada chempionligigacha - Asadxo‘ja Mo‘ydinxo‘jayev xonadonidan reportaj
18:29 / 16.08.2024