Афғонистонда тарихий сарой коронавирусга чалинганлар учун марказга айлантирилди
Афғонистон расмийлари бир асрлик тарихий саройни коронавирусга чалинганларни жойлаштириш ва даволаш учун вақтинча қўллашга қарор қилди.
Бу ҳақда Афғонистон соғлиқни сақлаш вазири Ферузиддин Феруз хабар қилган.
Маълум қилинишича, 18 апрелда Кобулдаги Дор ул-Омон саройида коронавирусга чалинганлар учун марказ очилиши расмий маросими бўлиб ўтган. Тадбирда вазир марказда беморлар учун 200 та жой борлигини маълум қилган.
Ферузиддин Феруз саройда касаллик енгил ўтаётган беморлар жойлаштирилишини қўшимча қилган.
Кобулдаги Дор ул-Омон саройи 1920-йилларда Германия ва Франциядан таклиф қилинган архитекторлар томонидан барпо этилган. Саройда унинг бир асрлик тарихи давомида ўз вақтида Кобул мэрияси, жамоатчилик ишлари вазирлиги, мудофаа вазирлиги ва миллий музей жойлашган. 2005 йилдан бошлаб сарой Афғонистон ҳукумати муҳофазаси остига олинган.
Мавзуга оид
00:28 / 19.09.2024
Дунёда бир ой ичида қарийб 50 минг кишида вабо аниқланди
19:07 / 13.09.2024
Абдулазиз Комилов АҚШнинг Афғонистон бўйича вакили билан учрашди
16:56 / 10.09.2024
“Толибон” давлатчиликни қанчалик уддалаяпти?
12:46 / 10.09.2024