Afg‘onistonda tarixiy saroy koronavirusga chalinganlar uchun markazga aylantirildi
Afg‘oniston rasmiylari bir asrlik tarixiy saroyni koronavirusga chalinganlarni joylashtirish va davolash uchun vaqtincha qo‘llashga qaror qildi.
Bu haqda Afg‘oniston sog‘liqni saqlash vaziri Feruziddin Feruz xabar qilgan.
Ma'lum qilinishicha, 18 aprelda Kobuldagi Dor ul-Omon saroyida koronavirusga chalinganlar uchun markaz ochilishi rasmiy marosimi bo‘lib o‘tgan. Tadbirda vazir markazda bemorlar uchun 200 ta joy borligini ma'lum qilgan.
Feruziddin Feruz saroyda kasallik yengil o‘tayotgan bemorlar joylashtirilishini qo‘shimcha qilgan.
Kobuldagi Dor ul-Omon saroyi 1920-yillarda Germaniya va Fransiyadan taklif qilingan arxitektorlar tomonidan barpo etilgan. Saroyda uning bir asrlik tarixi davomida o‘z vaqtida Kobul meriyasi, jamoatchilik ishlari vazirligi, mudofaa vazirligi va milliy muzey joylashgan. 2005 yildan boshlab saroy Afg‘oniston hukumati muhofazasi ostiga olingan.
Mavzuga oid
00:28 / 19.09.2024
Dunyoda bir oy ichida qariyb 50 ming kishida vabo aniqlandi
19:07 / 13.09.2024
Abdulaziz Komilov AQShning Afg‘oniston bo‘yicha vakili bilan uchrashdi
16:56 / 10.09.2024
“Tolibon” davlatchilikni qanchalik uddalayapti?
12:46 / 10.09.2024